Авыл тормышы
+19 °С
Болытлы
Барлык яңалыклар
15 ноябрь 2019, 14:58

ФИРДҮС ТЯМАЕВНЫҢ ӘНИСЕ УЛЫНЫҢ МӘСКӘҮДӘГЕ КОНЦЕРТЫНА ПОЕЗДА КИЛГӘН

Фирдүс өчен бу бик зур сюрприз булган!

Фирдүс Тямаевның концертында көтмәгәндә әнисе пәйда булган


"Минем баламны шулай зурлап килгәнегез өчен сезгә бик зур рәхмәт! Миңа быел дәваханә юлын таптарга туры килде. Аның ишеген ачкач, үземә: моннан соң исән калсам, Мәскәү сәхнәсен үз күзләрем белән күрер идем, дип сүз бирдем. Аллага шөкер, сүземдә тордым. Сәхнәне, тамашачыны күрергә насыйп булды», — дип, тамашачыга үзенең рәхмәтләрен җиткергән ул.


Галия апа улына әйтимичә генә, башкалага поезд белән килеп җиткән. Мәскәү тамашачысы аны аягүрә басып алкышлаган.


Менә дигән ул үстергән әнигә бу алкышлар - иң зур бүләк, әлбәттә.


Әнисе сәхнәдән төшкән вакытта Фирдүс: "Әни кайтканда поезд белән кайтмассың инде, минем белән кайтырсың, яме", - дип шаяртып та ала.


Җор телле, халык мәхәббәтен гадилеге белән яулаган Фирдүс Тямаевка иҗади уңышлар, тулы заллар һәм тормышында шундый күңелле сюрпризларның күп булуын телибез!
Читайте нас: