ИЛ БАШЛЫГЫ ПАВЕЛ ЛИВИНСКИЙ БЕЛӘН ОЧРАШТЫ

Русия Президенты Владимир Путин “Россети” акционерлар җәмгыятенең генеральный директоры Павел Ливинский белән очрашты.

Очрашуда “Россети” җәмгыятенең 2019 елдагы эш нәтиҗәләре һәм алдагы планнар хакында сөйләшенде.

Павел Ливинский белдерүенчә, үткән ел планлаштырылган барлык максатларга ирешелгән. Үткән ел нәтиҗәләре буенча керем 125 миллиард сум тәшкил итә. Кредит рейтингы күтәрелгән. “Россети” компанияләре төркеменең бурычлар йөкләнеше киметелгән. Акцияләр хакы,капитализация 80 процентка үскән.

Ливинский шулай ук барлык дежур бригадаларның һәм авария чыганакларының әзерлек торышында булуын билгеләде.