Авыл тормышы
+17 °С
Болытлы
Барлык яңалыклар
27 гыйнвар 2020, 14:45

АВАРИЯ ХӘЛЕНДӘГЕ ФАПлар ҺАМАН ДА КҮП ӘЛЕ

Төбәк җитәкчесе Радий Хәбиров әйтүенчә, иң мөһиме – яңа ФАПлар фельдшерлар белән тәэмин ителгән булсын.

“Сәламәтлек” милли проекты кысаларында Башкортстанда 72 модульле фельдшер-акушер пунктлары сатып алу күзаллана, дип хәбәр итәләр республиканың Сәламәтлек саклау министрлыгында.

“Аларның 57се федераль бюджеттан бүленгән чыганакларга сатып алынса, 15е – республика бюджетыннан. Шулай ук 2019 елда республика адреслы инвестицион программасы исәбенә төзелә башлаган 13 ФАПны да сафка тапшыру планлаштырыла”, - ди сәламәтлек саклау министры урынбасары Динара Еникиева.

Әйткәндәй, республикада барлыгы авария хәлендәге 300 фельдшер-акушер пунктларын алмаштырырга кирәк. Бер ФАП бәясе - 3тән алып 5 миллион сумга кадәр.

Модульле ФАПлар барлык заманча таләпләргә туры киләләр.

Төбәк җитәкчесе Радий Хәбиров әйтүенчә, иң мөһиме – яңа ФАПлар фельдшерлар белән тәэмин ителгән булсын.

“Сәламәтлек” милли проекты Русия Президенты Владимир Путин йөкләмәсе буенча булдырылган иде.

Читайте нас: