"кЫТАЙ ХАЛКЫНА ЯРДӘМ ИТӘРГӘ ӘЗЕРБЕЗ!

Русия Президенты Владимир Путин Кытай Халык Республикасы рәисе Си Цзиньпинга телеграмма җибәргән. Анда ул коронавирус белән көрәштә ярдәм итәргә әзерлеген белдергән.

Анда Русия Президенты авыручыларга тизрәк савыгуларын теләгән.

Владимир Путин дустанә Кытай халкына кирәкле ярдәм күрсәтергә әзер булуын белдерде һәм Русия компетентлы ведомстволарының тиешле Кытай структуралары белән әлеге уртак авыруны тиз арада җиңү максатларында тыгыз элемтәдә торуын әйтте.

Бөтендөнья сәламәтлек саклау оешмасы коронавирусның таралуын халыкара әһәмияттәге гадәттән тыш хәл дип таныды. Кытайда коронавирустан инде 250 кеше үлгән, 12 меңгә якын кеше зарарланган. Тагын 100гә якын кеше Кытайдан читтә, 18 илдә авырый.

Автор: Ример Насретдинов

https://kiziltan.rbsmi.ru/articles/zdorovie/V-Putin--Bez-Kitay-halkina-yard-m-k-rs-terg--zer-103298/