Авыл тормышы
-9 °С
Болытлы
75 лет Победы
Барлык яңалыклар
4 февраль 2020, 13:50

ШАУЛАМА ӘЛЕ, КҮРШЕ!

Кичке 23 сәгатьтән иртәнге 7 гә кадәр шаулаган күршеләргә ару гына штраф салыначак

РФ Дәүләт Думасы депутатлары административ хокук бозулар турындагы һәм торак кодексларына үзгәрешләр әзерләгәннәр. Аларга ярашлы, шау-шулы күршеләрне җәзага тарттыру катгыйланырга мөмкин.

Закон проекты авторларының берсе, парламентның түбәнге палатасының хезмәт һәм социаль хезмәт комитеты әгъзасы Ольга Павлова хәбәр итүенчә, Русиядә торак йортларда яшәүчеләргә кичке 23 сәгатьтән иртәнге 7 гә кадәр шауларга ярамаячак. Проектка ярашлы, физик шәхесләр өчен 5 мең сумнан алып 50 мең сумга кадәр, юридик шәхесләр өчен 50 меңнән 150 мең сумга кадәр штраф карала. Әйткәндәй, балалар, атлап йөрү, су тавышлары шау-шуга керми.

Әлеге вакытта кичке 23 сәгатьтән иртәнге 7 гә кадәр гөр килү Мәскәү шәһәрендә генә тыела. Шулай ук, 19 сәгатьтән 9 сәгатькә кадәр ремонт ясарга ярамый. Гади кешеләр өчен штраф – 1-2 мең, вазифа биләгәннәр өчен 4-8 мең, юридик шәхесләр өчен 40-80 мең сум тәшкил итә.

Читайте нас в