Барлык яңалыклар
29 март 2020, 18:05

БИТЛЕКЛӘР ҖИТӘРГӘ ТИЕШ

Башкортстан даруханәләренә 200 меңнән артык битлек кайтарылган, тагын 700 мең битлек килер дип көтелә.

Башкортстан даруханәләренә 200 меңнән артык битлек кайтарылган, тагын 700 мең битлек килер дип көтелә.

Башкортстанның сәламәтлек саклау министры Максим Забелин коронавирус пандемиясе чорында республика даруханәләрендә битлекләр җитмәү мәсьәләсен ачыклады.

"Кичә без битлекләрнең яңа партиясен алдык. Беренче чиратта хакимият органнарын: Эчке эшләр, Гадәттән тыш хәлләр министрлыкларын тәэмин иттек. Кичә кич Уфаның дәүләт даруханәләренә 200 меңнән артык битлек китерелде, бүген алар шулай ук зур торак пунктларга күчерелде, - дип ачыклык кертте министр. - Киләсе атнада тагын 700 мең битлек булыр дип көтелә. Шәхси даруханәләрдәге коллегаларның да бу юнәлештә эшләү мөмкинлеге барлыкка килә дип уйлыйм".

Максим Забелин билгеләп үткәнчә, күпләп сатуга чикләүләр кертелгән — бер кулга 10 битлектән дә артык бирелми.

Игътибар!

Битлекне кию вакыты - 2 сәгать.

Автор: Резида Валитова

https://kiziltan.rbsmi.ru/articles/budni/Baribizga-da-it-rg-tiesh-190098/

Читайте нас в