ШӘҺӘРДӘН ЧИТТӘГЕ БАКЧАЛАРГА БАРУНЫ ЧИКЛӘДЕЛӘР

Стәрлетамак районы хакимияте шәһәрдән читтәге бакчачылык ширкәтләренә баруны тыйган. Бу гомуми изоляция режимы белән бәйле.

- Югарыда күрсәтелгән таләпләрне бозу һәм үтәмәү административ штраф салуга китерә, - диелә карарда. Кичә район башлыгы Башкортстан хөкүмәтендә узган оператив киңәшмәдә бу мәгълүматны раслады. Башка районнарда әлегә бакчага бару тыелмады.Тиздән бакчаларда язгы чәчү эшләре башланачак. Бу вакытка вәзгыять үзгәреп, чикләүләр алыныр дип өметләник.