Авыл тормышы
+18 °С
Болытлы
Барлык яңалыклар
16 апрель 2020, 11:10

Раевка авылында тиздән бассейнлы ФОК ачыла

Спорт объекты агымдагы елның икенче кварталы ахырына кадәр файдалануга тапшырылачак.

Әлшәй районының Раевка авылында тиздән бассейнлы ФОК эшли башлаячак.

2018 елның көзендә Владимир Путинның май указы белән расланган «Демография» гомумдәүләт проекты кысаларында Әлшәй районында 150 миллион сумлык бассейнлы физкультура-сәламәтләндерү комплексы төзелә башлады.

- Комплексның гомум мәйданы - 3087,4 квадрат метр. Бинада 25 метрлы дүрт юллы бассейн бар. Шулай ук биредә спорт залы, киенү-чишенү бүлмәләре, вестибюль төркемнәре һәм башка өстәмә бүлмәләр каралган. Шунысын да билгеләп үтәргә кирәк, объект халыкның аз хәрәкәтләнүче төркемнәре өчен дә ачык булачак: бассейн өчен гидравлик күтәткеч каралган, пандуслар урнаштырылган, - дип билгеләп үттеләр Башкортстанның Дәүләт төзелеше һәм архитектура комитеты матбугат хезмәтендә.

Спорт объекты агымдагы елның икенче кварталы ахырына кадәр файдалануга тапшырылачак. Төзү-монтаж эшләре тәмамланган диярлек, хәзер спорт җиһазлары куела. Моннан тыш, параллель рәвештә барлык системаларны да тестлаштыру уза.

Фото: uksrb.ru

Автор: Ример Насретдинов

Читайте нас: