ӨЧ БАЛАСЫН ЯТИМ КАЛДЫРЫП...

Стәрлетамак шәһәрендә коточкыч вакыйга булды. Үз фатирында 23 яшьлек ирнең үле гәүдәсе табылган. Билгеле булуынча, мәрхүмнең өч баласы калган.

23 яшьлек Юлайның тормышында күптән түгел шатлыклы вакыйга - ул өченчегә әти булган иде. Күңелле, ягымлы ирнең проблемалары булмаган, әмма кече улы туганнан соң бер ай узгач, ул үз теләге белән дөньядан киткән.

Тикшерүләр буенча, яшь ир үз-үзенә кул салган. Бу коточкыч хәлгә ирне нәрсә этәрүе билгесез. Ирнең гаиләсе һаман да бу хәлгә ышана алмый.