Авыл тормышы
+18 °С
Болытлы
Барлык яңалыклар
20 апрель 2020, 17:30

Синең каның кемнеңдер гомерен саклап кала

20 апрель Милли кан донорлары көне

2007 елдан башлап 20 апрель көнне Россиядә Милли донор көне билгеләп үтелә.

Бу көн, беренче чиратта, донорларның үзләренә - бөтенләй таныш булмаган кешеләрнең сәламәтлекләре һәм гомерләре өчен үзләренең каннарын риясыз бирүче кешеләргә багышланган. Шулай ук бу көн донорлар канын алучы һәм аны тикшерүче медицина хезмәткәрләренә багышланган. Бәйрәмне үткәрергә сәбәп булып тарихта иң мөһим вакыйга - 1832 елның 20 апрелендә Петербург акушеры Андрей Вольф беренче тапкыр бала тудырган хатынга иренең канын салган һәм шул рәвешле аның гомерен саклап калуга ирешкән. Илебездә беренче уңышлы кан җибәрү истәлегенә 20 апрель Милли кан донорлары көне итеп игълан ителгән.

Шул вакытлардан бирле трансфузиология фәне бик күпкә алга китте: кан төркемнәре ачылды, каннар компонентларын һәм препаратларын алу һәм куллану технологияләре кертелде. Әмма, элеккегечә, миллионлаган авыру кешеләрнең гомерләрен донорлар каны коткара.


Быел Милли донор көне "Донор булып кал, кан тапшыр" чакыруы белән уза, ул бигрәк тә, пандемия вакытындагы үзчикләү чорында бөтен Россия буенча актуаль булып тора. Ни кызганыч, табиблар белдерүенчә, бу көннәрдә донорлар активлыгы азайган.

Донорлар каны элеккечә онкология диспансерында, кардиоүзәктә, гематология бүлекләрендә, бала табу йортларындагы пациентларга кирәк.

Бер генә катлаулы операция дә донор каныннан башка узмый. Синең каның кемнеңдер гомерен саклап калуын белү дә нинди горурлык бит. Бу хакта онытмасак иде.

Читайте нас: