Лимоннарга бәяләр арту фактларын тикшерәләр

Монополиягә каршы федераль хезмәтнең республика буенча идарәсе лимоннарга бәяләр арту фактларын тикшерү белән шөгыльләнәчәк. Бу хакта ведомствоның рәсми сайтында хәбәр итәләр.

Цитрус бәясе артуга, ведомство вәкиле фикеренчә, берьюлы берничә фактор йогынты ясаган:

- Продукт экспортын 41 процентка кадәр киметү һәм импортерларның бәяләрен 57,7 процентка кадәр арттыру. Аның COVID-19ны дәвалау мөмкинлекләре турында дөрес булмаган мәгълүмат тарату ситуациясе кискенләштерде. Шуңа да карамастан, моны булдырмаска мөмкин иде, - ди идарә башлыгы Андрей Тенишев. - Бәяләр күтәрелүнең аерым очракларын без тикшерәчәкбез һәм гаеплеләрне җәзага тарттырачакбыз.

Кайбер мәгълүматлар буенча, лимонга хаклар 2,8 тапкыр арткан һәм килограммы 113 сумнан 319 сумга күтәрелгән.