Авыл тормышы
+15 °С
Болытлы
Барлык яңалыклар
17 Май 2020, 15:35

КАРАНТИННАРЫ ТӘМАМЛАНГАН 200 ВАХТАЧЫ ӨЙЛӘРЕНӘ ЮЛЛАНДЫ

Якутиядән Башкортстанга кайткан беренче 200 вахтовикның 14 көнлек карантины тәмамланды. Бүген алар гаиләләре янына юллана.

Якутиядән Башкортстанга кайткан беренче 200 вахтовикның 14 көнлек карантины тәмамланды. Бүген алар гаиләләре янына юллана.

Вахтовикларны өйләренә алып кайту өчен обсерватор территориясенә “Башавтотранс”ның 7 автобусы килде. Алар Уфа, Мәләвез һәм Сибай юнәлешләре буенча кузгалды. Автобусларда хәвефсезлекнең бар чаралары да саклана: битлек һәм перчатка – мәҗбүри.

Исегезгә төшерәбез: май башында Якутиядән кайткан 400 вахтовик Әбҗәлил районындагы ял йортындагы обсерваторга урнаштырылган иде. “Башкортстан Башлыгы Радий Хәбиров башлангычы белән республика илдә иң беренчеләрдән булып якташларны Якутиядән кайтаруны оештырды, – ди район хакимияте башлыгы урынбасары Руслан Йосыпов. – Вахтовикларның барысыннан да кайту белән коронавируска анализ алынды”.

Аның әйтүенчә, кайтучыларның 7есендә инфекция расланган. Аларны тиз арада Белорет дәваханәсенә озатканнар. Ә чир йоктыручылар белән аралашкан кешеләрне Аскар район дәваханәсенең инфекция бүлегенә урнаштырганнар.

“Безне чит җирдә ташламаганнары, кайтуыбызны оештырганнары өчен республика җитәкчесе Радий Хәбировка рәхмәтлемен, – ди Бөре районыннан Юрий Ардеев. – Әбҗәлил районы җитәкчелегенә, обсерватор хезмәткәрләренә дә яхшы шартлар оештырганнары өчен һәм, әлбәттә, табибларга рәхмәтлемен”.

Вахтовикларның икенче төркеме өйләренә иртәгә кайтачак.

Автор : Язгөл Сафина
Фото: bashinform.ru
Читайте нас: