РЕСПУБЛИКАДА АВЫРУЧЫЛАР САНЫ 3 МЕҢНӘН АРТТЫ

3 021 башкортстанлының COVID-19га тапшырган тестлары уңай нәтиҗәгә ия.

Стопкоронавирус.рф сайты мәгълүматларына ярашлы, төбәктә тагы 79 кеше таҗлы вирус йоктырган. Авыруның актив формасы 2055 кешедә теркәлгән, 948 пациент терелгән.

Оператив штаб хәбәр итүенчә, Русиядә пандемия башланганнан алып яңа коронавирус инфекциясе диагнозы 379 051 кешедә расланган. Соңгы тәүлектә 8 371 авыру ачыкланган. Барлыгы 150 993 кеше (соңгы тәүлектә 8 785 өстәлгән) терелгән. 4 142 авыру (174 очрак өстәлгән) якты дөнья белән хушлашкан.