Президент ил халкына мөрәҗәгать итәргә мөмкин

Русия Президенты Владимир Путин Конституциягә төзәтмәләр кертү буенча тавыш бирү узганнан соң милләткә мөрәҗәгать белән чыгыш ясарга мөмкин. "РБК" агентлыгы мәгълүматы буенча, бу хакта Кремльдә карар кабул итәргә җыеналар.

Ләкин мөрәҗәгать кайчан булыр һәм, гомумән, булырмы-юкмы дигән сорауга Кремльдә төгәл җавап бирмиләр. "Бу Президент карарына бәйле булачак", — дип белдерә Президентның матбугат сәркатибе Дмитрий Песков.

Билгеле булганча, Конституциягә төзәтмәләр буенча тавыш бирү көне итеп 1 июль сайланды.