Авыл тормышы
+15 °С
Болытлы
Барлык яңалыклар
АВЫЛ ХУҖАЛЫГЫ
31 март 2020, 17:30

ТЕХНИКА ӘЗЕРЛИЛӘР, АШЛАМА КАЙТАРАЛАР

Язгы кыр эшләренә әзерлек ничек бара дигән сорауга Явнов исемендәге хуҗалык җитәкчесе Руслан Насыйров әлеге хәлләргә кинаяләп: ”Билгеле крестьян әйтеменә таянып эш итәбез - үлсәң дә арышыңны чәчеп үл...”, - диде.

Язгы кыр эшләренә әзерлек ничек бара дигән сорауга Явнов исемендәге хуҗалык җитәкчесе Руслан Насыйров әлеге хәлләргә кинаяләп: ”Билгеле крестьян әйтеменә таянып эш итәбез - үлсәң дә арышыңны чәчеп үл...”, - диде.

Чынлап та, 26 мартта Яңа Барятино авылы ремонт остаханәсе территориясендә җанлылык хакимлек итә. Капиталь ремонтланган биш Т-150 тракторы яңа кебек сафка тезелгән. Ерак түгел алты Беларус тора, алары да капиталь ремонттан чыккан. Әйткәндәй, хуҗалыкның 2020 елгы кыр эшләрендә катнашачак барлык трактор техникасы 13 мартта техник тикшерү үткәндә Дәүләт техник күзәтү инспекторларының уңай бәясен алды.

- Бу техника безнең 1700 гектар җирне эшкәртергә һәм чәчәргә җитә, - дип дәвам итте Р.Т.Насыйров. - Әлеге вакытта вак-төяк җитешсезлекләрен төзәтәбез, “Омичка” чәчкечләрен үзгәртеп корабыз, аларның төрәнчекләре анкер төрәннәргә алыштырыла. Бу сезонда мәйданнарның бер өлеше, 300 гектарга якынын беренче тапкыр энергияне янда калдыручы No-till технологиясе белән эшкәртәчәкбез. Әлегә бер агрегат әзерлибез, аны тәҗрибәле һәм җаваплы механизатор Рәмзис Шахмаевка тапшырачакбыз.

Җитәкче башка механизаторларны – Илдар Шахмаевны, Владимир Ильинны, Рәфис Шәңгәрәевны, Руслан Зөбәеровны да уңай яктан бәяләде, аларны универсаль кадрлар дип атады. Аларның һәркайсысы техниканың берничә төренә идарә итә, барысы да тракторларда гына түгел, ә комбайннарда да эшли, шуңа күрә үзләренә беркетелгән техниканы алдагы басу сезонына әзерли.

Хуҗалыкта 400 гектар мәйданны уҗым культуралары били, бүген аларның торышы канәгатьләнерлек. Мәйданнарның бер өлеше сабан бодае, солы, силоска кукурузга бүленгән, иң зур мәйданны - 700 гектар - арпага бүлергә карар иткәннәр.

Хуҗалыкта минераль ашламалар туплау буенча зур эш үткәрелә. Планда каралган күләм үтәлгән дә инде: 70 тонна аммоний сульфаты кайтарылган, озакламый 80 тоннага якын NPS минераль азот-фосфор ашламасы кайтырга тиеш. Орлык агулау өчен чаралар әзер.

- Җитди әзерләнгәнсез.

- Төрле мөмкинлекләр эзләргә туры килә, югыйсә яхшы уңышка өмет итеп булмый. Хәзер бар нәрсә кыйммәтләнә. Минераль ашламалар кайтаруга килешүне алдан төзегән идек, булачак уңыштан түләргә алдык. Техника әзер, орлык, химия – бар да бар. Арытабан эшләр барышы үзебезгә бәйле.

Р.Т.Насыйров сүзләренә караганда, хуҗалыкта коллективның уңышлы эше өчен барлык шартлар да бар. Ремонт чорында запас частьләр һәм материаллар белән тоткарлыклар булмады, мастерскойда механизаторларга ял итү өчен җылы бүлмә бар, техника гаражы җылытыла. Апрельдән колхоз ашханәсе эшли башлаячак, кызу чәчү чорында кайнар аш турыдан-туры басуга китереләчәк.

Л.ПЫЛАЕВА.

Ю.НЕСТЕРЕНКО фотосы.

Читайте нас: