Тулы канлы тормышка кайтырга

Заманча протез алу, реабилитация үтү һәм гадәти әйберләрне кабаттан эшләргә өйрәнү – бүген бу махсус хәрби операция ветераннары өчен реаль. “Ватанны саклаучылар” дәүләт фонды филиалы эшчәнлегенең төп юнәлешләренең берсе – махсус хәрби операция үткәрү зонасында хәрби хәрәкәтләр барышында кул-аякларын югалткан яугирләргә ярдәм итү.

Дәүләт фондының Стәрлетамак районы филиалы кулсыз яки аяксыз калган СВО ветераннарын протезлау буенча планлы эш алып бара. Сугышчыларга, һәркайсының индивидуаль параметрларын исәпкә алып, протезлар ясау өчен документлар оформить итәргә ярдәмләшәләр. Филиалның социаль координаторы, беренче консультациядән алып әзер изделиене алуга һәм беренчел реабилитациягә кадәр, ветераннарны барлык этапларда озатып бара. Җайлашу һәм арытабан медицина күзәтүе мәсьәләләре шулай ук координаторның даими контролендә кала.