Яугир белән диалог

Күчәрбай авылы клубында җылы һәм ихлас очрашу узды, ул җыелганнарның хәтерендә озак сакланачак. Авылдашларына кунакка махсус хәрби операциядә катнашучы “Муха” позывнойлы яугир кайтты.

Уңайлы залда өлкәннәр генә түгел, ә аның сөйләгәннәрен тыңларга теләгән балалар да җыелды. Кунакны “Безнең яугир, безнең саклаучыбыз”, – дип таныштырдылар. Ул сорауларга ачык һәм туры җавап бирде. Алгы сызыктагы тормыш, хәрби туганлык һәм өйдән күрсәтелгән ярдәмнең никадәр мөһим булуы турында сөйләде.

Үсеп килүче буында очрашу аерым кызыксыну уятты. Алар техника, солдатларның көнкүреше, иң авыр хәлләрдә рух ныклыгын сакларга нәрсә ярдәм итүе турында сораштылар. Яугир барын да гади аңлатты, ә ахырда яшьләргә мөрәҗәгать итте:

- Укыгыз, спорт белән шөгыльләнегез, өлкәннәрне хөрмәт итегез. Һәм онытмагыз: Туган илебез – бер генә. Аны сакларга кирәк.

Очрашу ахырында рәхмәт сүзләре яңгырады. Күчәрбайда яшәүчеләр сугышчыга сәламәтлек, тизрәк өенә әйләнеп кайтуын һәм, әлбәттә, җиңү теләделәр.