Авыл тормышы
+21 °С
Болытлы
Барлык яңалыклар
МӘГАРИФ
18 апрель 2020, 12:30

БӨТЕНРУСИЯ ТИКШЕРҮ ЭШЛӘРЕ КӨЗГӘ КҮЧЕРЕЛӘ

Бөтенрусия тикшерү эшләре сентябрь-октябрь айларында узарга тиеш.

Бөтенрусия тикшерү эшләре сентябрь-октябрь айларында узарга тиеш.

4-8нче сыйныф укучылары өчен Бөтенрусия тикшерү эшләрен үткәрү агымдагы елның көзенә күчерелгән, алар сентябрь-октябрь айларында узар дип планлаштырыла.

Быел Бөтенрусия тикшерү эшләрен үткәрүдә 4-8нче һәм 10-11нче сыйныфларда укучы алты миллионнан артык укучы катнашырга тиеш булган. 10-11нче сыйныфларда тикшерү эшләре, мәктәпләр дистанцион укыту режимына күчкәнче үк, март аенда узды.

4-8нче сыйныф укучылары өчен тикшерү эшләре агымдагы уку елы тәмамланганчы үткәрелмәячәк. Көз көне аларны яңа уку елы башында, 5-9нчы сыйныфларга күчкән укучылар язачак.

Тикшерү эшләре нәтиҗәләре алдагы сыйныфка күчүгә йогынты ясамый. Алар, барыннан да элек, мәктәп, укытучылар һәм ата-аналарга укучыларны әзерләүдә нинди проблемалар барлыгын һәм өстәмә рәвештә нәрсә белән эшләргә кирәклеген аңлау өчен мөһим. Шуңа күрә мондый мониторингны үткәрү көз көне үз актуальлеген саклап калачак.



Автор: Зөлфия Фәтхетдинова

https://kiziltan.rbsmi.ru/articles/obraz/Sinau-k-zg-k-cherelde-225469/

Читайте нас: