Барлык яңалыклар
МӘГАРИФ
28 Май 2020, 17:45

29 май көнне мәктәпләрдә уку елы тәмамлана

"Кисәтеп куям: әгәр дә мин кайсыдыр сыйныфның 29 майда җыелуын белеп калсам, директор эштән азат ителәчәк", диде Радий Хәбиров.

Төбәк Мәгариф министрлыгы бу көнне уздыру буенча барлык муниципалитетларга да киңәшләр бирде, хәлне контрольдә тота, дип хәбәр итте Хөкүмәт вице-премьеры Фәнүр Ягъфәров бүгенге оператив киңәшмәдә.

— Без соңгы уку көне уңаеннан бернинди күңел ачулар, чаралар, рестораннар булмаячак, дип килештек, — дип белдерде бу җәһәттән Радий Хәбиров. — Муниципалитет башлыкларының моңа аеруча игътибар итүләре сорала. Балалар арасында чир тарала күрмәсен. Бу — директорларның шәхси җаваплылыгы! Кисәтеп куям: әгәр дә мин кайсыдыр сыйныфның 29 майда җыелуын белеп калсам, директор эштән азат ителәчәк.

Республика җитәкчесе ассызыклаганча, эпидемиягә каршы чараларга җитдилек һәм җаваплылык белән карарга кирәк.

Фото: tz-spb-video.ru

Автор: Резеда Галикәева

Читайте нас в