ЕГЭ бетерлә?!

2021 елда ук кайбер югары уку йортлары кабул итү имтиханнарын кертәчәк.

ЕГЭ системасы үзенең тотрыксызлыгын күрсәтә һәм якындагы берничә елда гамәлдән чыгарылырга мөмкин.
Бу хакта Бөтенрусия мәгариф фонды җитәкчесе, “Барысы өчен дә белем бирү” хәрәкәте рәистәше, Русия Табигать фәннәре академиясенең (РАЕН) мохбир әгъзасы Сергей Комков хәбәр итте.

"Берничә ректор миңа кереш имтиханнарын кертә башлаулары турында хәбәр итте, ЕГЭ формаль рәвештә исәпкә алыначак - бу барлыкка килә торган тренд. Вузларга шул ук вакытта берни дә белмәгән ЕГЭ баллары булган кешеләрне кабул итү туйдырды. ЕГЭ инде кояш баешына таба тәгәри - мәҗбүри дүрт предмет иде, аннары ике, хәзер берүзе калды. Акрынлап без аттестациянең нормаль системасын кертәбез. ЕГЭны тулысынча гамәлдән чыгару бер-ике елдан булырга мөмкин", - дип белдерде Комков.

Аның белән Русиянең атказанган укытучысы, тарихчы Александр Снегуров килешә.

"Мин беркайчан да ЕГЭны кабул итмәдем. Мин аны гамәлдән чыгаруны хуплыйм. Ләкин аннан котылу тиз булмаячак, бөтен система шул имтиханнарга корылган бит. Әгәр динамик рәвештә, төгәл, җайлап, тайпылышсыз эшләсәк, ЕГЭдан биш елдан соң тулысынча баш тартырга мөмкин ", - диде Снегуров.

Элегрәк Русия мәгариф министры Сергей Кравцов ЕГЭ-2021 СОVID пандемиясе аркасында кыскартылган форматта узачак, дип хәбәр итте.

Фото:avatars.mds.yandex.net