+1 °С
Кар
Барлык яңалыклар
СИНЕҢ КЕШЕЛӘРЕҢ, АВЫЛ
31 гыйнвар 2020, 17:30
СТАЖЛЫ ГАШЫЙКЛАР
Изге традиция буенча, безнең районда озак еллар бергә яшәгән гаилә парларын бергәләп тантаналы шартларда тәбриклиләр, чөнки бүген гаилә институтына зур игътибар бирелә. Бу “җәмәгать ячейкасы”ның абруен ныгыта һәм аның статусын арттыра, яшь буынга лаеклы үрнәк формалаштыра.
Изге традиция буенча, безнең районда озак еллар бергә яшәгән гаилә парларын бергәләп тантаналы шартларда тәбриклиләр, чөнки бүген гаилә институтына зур игътибар бирелә. Бу “җәмәгать ячейкасы”ның абруен ныгыта һәм аның статусын арттыра, яшь буынга лаеклы үрнәк формалаштыра.
Шушы көннәрдә Кантюковлар гаиләсендә кеше күп булды. Кунакларны биредә шатланып каршы алалар, бу юлы бигрәк тә, чөнки Фәтхия Ситдыйк кызы һәм Мөдәрис Сабир улы үзләренең бергә торуларына 60 ел тулуны билгели. Юбилярларны бу күркәм дата белән котларга якыннары һәм туганнары гына түгел, чәчкәләр һәм бүләкләр белән районнан да кунаклар килгән. Тәбрикләү тантанасын зур хөрмәт белән Хакимият башлыгы Ә.Р.Әбдрәфыйков башлап җибәрде. Дистәләрчә ел дәвамында мәхәббәт тойгысын югалтмаган һәм бер-берсен хөрмәт итеп, аңлашып яшәгән һәм, тормышта нинди генә авырлыклар булуга карамастан, гаилә учагын сүндермәгән гаилә парлары аеруча ихтирамга лаек дип билгеләде ул. Бу яшьләргә гаилә традицияләрен саклап калуның яхшы үрнәге, аннан башка ныклы рухлы һәм саф уй-ниятле яшь буын тәрбияләп үстереп булмый.
Тугрылыклары, бер-берсен яратып, аңлашып яшәгәннәре өчен озак еллар бергә гомер иткән гаилә парын районның ЗАГС бүлеге начальнигы Г.Р.Дәүләткирәева һәм Наумовка авыл биләмәсе Советы башлыгы Д.А.Чиликин котлады. Лаеклы юбилярларга төбәк башлыгы Радий Хәбировтан да котлауларны җиткерделәр.
Озак бергә яшәүнең сере нидә? Кунаклар кабат-кабат биргән бу сорауга юбилярлар гади генә итеп: бер-беребезгә һәрвакыт ярдәм итеп, вак-төяккә ачу сакламый яшәдек. “Без яшь чакта эштә дә, шәхси тормышта да коммунизм төзүченең әхлакъ кодексына тиңләшә идек: вәгъдә биргәнсең икән – үтә, өйләнгәнсең икән – гомерең буе гаиләңне сакла!”, – дип искә ала Мөдәрис Сабир улы.
Хәзер замана башка, ләкин гаилә кыйммәтләре мәңгелек. Хезмәт сөю, ихтирам, сәламәт тормыш алып бару – бу төп һәм ышанычлы юлдашлар, Кантюковлар моңа ихлас инана. Аларның бердәм гаилә тормышы да шул турыда сөйли. Алар икесе дә ишле гаиләләрдә туып үскән, Мөдәрис Сабир улы – Кантюковкада, Фәтхия Ситдыйк кызы – Аллагуватта. Мәктәпне тәмамлау белән (7 нче сыйныфны) колхозда эшләгәннәр, ачлыгын да, ялангачлыгын да күргәннәр, авыр крестьян хезмәтен үз иңнәрендә татып үскәннәр. 1960 елда өйләнешәләр. Мөдәрис кәләшен үзләренең ишле гаиләсенә алып кайта, олырак апа-абыйлары башка чыккан була, ләкин аннан кечерәкләр (әниләренең 7 баласы була) әле өйдә яшәгән була. Тату яшиләр, үпкәләшкән, ачуланышкан чаклар булмый. Аның кайгысы да булмый – бар да эшли, кемдер колхозда, кемдер өйдә – барысына да эш җитә. Телевизор да, Интернет та булмый, әмма буш вакытларын кызыклы итеп үткәргәннәр...
Кантюковларның өендә иркен, якты. Гаиләнең ничек яшәве хуҗадан тора, дип елмая Мөдәрис Сабир улы. Фәтхия Ситдыйк кызы аның сүзләрен куәтли: “Әйе, ул ышанычлы, эшчән, игътибарлы кеше. Участок бүлеп биргәч йорт салды, анда безнең ике улыбыз үсте. Хәзер минем саулыгым какшады, дәваханәдә еш ятарга туры килә, ә ул өйдә бар эшне дә булдыра – ашарга да пешерә, җыештыра да...”
Балалары, оныклары алардан бар яклап та үрнәк ала. “Алар бер-берсен ярата, - ди Венера исемле киленнәре, - әни өйдә юкта, әти сиздермәскә тырышса да, юксына. Без дә яратабыз аны, үз әниебез кебек, изге күңелле, беркайчан да эшсез утырмый. Безне тәмле ризыклар пешерергә, кәҗә мамыгын эрләргә, шәл, палантиннар бәйләргә өйрәтте. Эшкә оста һәм күркәм кеше!”
Дөрес әйтә, Кантюковлар эшли белә – яшь чакларында К.Маркс исемендәге колхозда , аннары Салават шәһәре предприятиеләрендә эшләгәннәр, 1980 елдан алып пенсиягә чыкканчы гаилә башлыгы Стәрлетамак совхоз-техникумында шофер булып эшли. Моннан тыш, гаилә һәрчак күпләп мал-туар тота, атлар, сарыклар, 2-3әр сыер, дистәләгән каз асрый. Хәзер элекке кебек түгел, шулай да алар эшсез утыра алмый – йорт яны участогында бәрәңгесен, төрле яшелчәсен үстерә, җәйгә кош-корт та ала.
Язмышларыннан канәгатьләрме дигән сорауга юбилярлар риза булмау гонаһ булыр иде, балаларыбыз яхшы кешеләр булып үсте, барысының да эше бар, вакытында өйләнделәр, үз кызларыбыз кебек яхшы киленнәр алдылар. 4 оныгыбыз уңышлары белән сөендереп тора, хәзер ике туруныбыз да бар, дөньябыз түгәрәк дияргә була.
Бриллиант юбилярларыбызга сәламәтлек, уңышлар, озын гомер телибез.
Л.ПЫЛАЕВА.
Ю.НЕСТЕРЕНКО фотосы.
Ю.НЕСТЕРЕНКО фотосы.
Читайте нас:
@1930-2024 Общественно-политическая газета Стерлитамакского района Республики Башкортостан
Свидетельство о регистрации СМИ № ПИ ТУ02-01445 от 9 сентября 2015 года выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан Главный редактор: Коваленко Альбина Альбертона
Телефон
8(3473) 25-09-31
Электрон почта
Адресы
г.Стерлитамак, ул.Комсомольская, 82, 3 этаж
Реклама хезмәте
8(3473) 25-12-01
Редакция
8(3473) 25-09-31
Кабул итү бүлмәсе
8(3473) 25-12-01
Хезмәттәшлек
Кадрлар бүлеге
8(3473) 25-18-12