+12 °С
Яңгыр
Барлык яңалыклар
СИНЕҢ КЕШЕЛӘРЕҢ, АВЫЛ
2 февраль 2020, 02:20
ЧЫН ХУҖАНЫҢ ҺӘР ТИЕНЕ ИСӘПТӘ!
1 февральдә Алатана авыл биләмәсе Советы башлыгы Ринат Солтан улы Сафугановның юбилее булды.
1 февральдә Алатана авыл биләмәсе Советы башлыгы Ринат Солтан улы Сафугановның юбилее. Кыскасы, быел аның юбилейлары бихисап. Тормышындагы тагын бер мөһим дата аның бүгенге эшенә бәйле. 19 мартта аның башкарма власть органнарында эшли башлавына 30 ел тула. Дөрес, аның вазыйфа атамалары үзгәреп торды: авыл Советы башкарма комитеты рәисе, авыл биләмәсе башлыгы, әмма эшнең асылы шулай ук калды – кешеләр өчен хезмәт итү. Хәзер инде ул бу эшенә ияләшкән, әмма юк-юкта яшьлек хыялы аның исенә төшкәли. Гаҗәп, ә бит юбиляр үзенең хыялын тормышка ашыра һәм сайлаган һөнәре – математика укытучысы булып аз гына эшләп тә ала.
Математика... Ул бүгенге көндә дә аның күңелендә яши. Башкорт дәүләт университетының математика факультетын тәмамлаган өметле студент Ринат Сафугановны Фәннәр академиясенең Башкорт бүлегенә стажёр итеп чакыралар. Имтихан комиссиясе вәкилләренә аның диплом эше бик ошый һәм аны уңышлы фәнни киләчәк көтә дип ышандыралар. Әмма ул моңардан баш тарта. Ул вакытта инде Ринат Солтан улының гаиләсе, улы туган була, ә стажёрның эш хакы бәләкәй, торырга урын да бирмиләр. Монысы мөһим түгел. Бит барына түзеп, ерып чыгарга мөмкин булыр иде. Эш шунда ки, аны фәнни карьера кызыксындырмый. Яшь егетнең мәктәптә эшлисе, балаларны математикага өйрәтәсе, укучыларда үзенең яраткан фәненә мәхәббәт уятасы килә.
Югары уку йортын тәмамлаганнан соң Р.С.Солтановка Белорет районына эшкә юллама бирәләр. Тик анда ниндидер аңлашылмаучанлык килеп чыга, кыскасы, математика укытучысы урыны буш булмый. Уфага кире кайтканнан соң аны Алатана авылы мәктәбенә ... директор итеп җибәрәләр. Бу хәл кырык ел элек була. (Безнең героебыз өчен бу да истәлекле дата!). Яңа урында хәл итәсе проблемалар күп була. Әмма ул артка чигенә торганнардан булмый.
Армиядә алган чыныгуы да ярап кала, аны ул университетка кадәр үткән була. Өлкән сержант Сафуганов бүлек командиры вазыйфасында хезмәт итә, аннары взвод командиры ярдәмчесе була. Армиядә ул чыныга, көчле рухлы булырга, үз көченә ышанырга өйрәнә. Шуңа да директор Сафуганов җиң сызганып эшкә тотына, проблемаларны хәл итү җаен эзләргә керешә. Эшне котельныйдан башлый, чөнки анда хәл бик кискен була. Казанны, насосларны алмаштырырга туры килә. Аннары директор ихаталарны яңарта. Чиратта барлык корылмалары белән хәрби шәһәрчекне, аннары кораллар бүлмәсен, башлангыч хәрби әзерлек кабинетын барлык кирәк-яраклар белән җиһазлау эшләре тора.
Проблемаларга карамастан, мәктәпнең матди базасы яхшы иде, дип саный Ринат Солтан улы, әмма белем бирү учреждениесенең бинасы заманча таләпләргә туры килми. Гел генә тишек-тошыкларны ямап булмый бит инде! Яңа мәктәп төзелә башлавы гына бераз тынычландыра. Иске мәктәпне ремонтлау эшләре белән бергә Сафугановка яңа бина төзелеше белән дә шөгыльләнергә туры килә. Аны ачу тантанасы 1986 елның 1 сентябрендә була,ә иске мәктәптән рәсми рәвештә тәүге чиректән соң, яңа җиһазлар урнаштырылгач кына күчәләр.
Хуҗалык, оештыру мәсьәләләрен хәл итә-итә ун ел гомер үтеп китә. Шулай итеп, директор үзенең яраткан математика укыту эшенә башы-аягы белән “чума” алмый.
Проблемаларга карамастан, мәктәпнең матди базасы яхшы иде, дип саный Ринат Солтан улы, әмма белем бирү учреждениесенең бинасы заманча таләпләргә туры килми. Гел генә тишек-тошыкларны ямап булмый бит инде! Яңа мәктәп төзелә башлавы гына бераз тынычландыра. Иске мәктәпне ремонтлау эшләре белән бергә Сафугановка яңа бина төзелеше белән дә шөгыльләнергә туры килә. Аны ачу тантанасы 1986 елның 1 сентябрендә була,ә иске мәктәптән рәсми рәвештә тәүге чиректән соң, яңа җиһазлар урнаштырылгач кына күчәләр.
Хуҗалык, оештыру мәсьәләләрен хәл итә-итә ун ел гомер үтеп китә. Шулай итеп, директор үзенең яраткан математика укыту эшенә башы-аягы белән “чума” алмый.
Озакламый Сафугановка мәктәпнекен генә түгел, ә Алатана авыл Советы территориясендә яшәүче халыклар проблемаларын да хәл итәргә туры килә. Чөнки депутатлар аны авыл Советы башкарма комитеты рәисе итеп сайлый.
Сафугановны мәктәп директоры итеп тәгаенләгәннән соң чираттагы сайлауда аны авыл халкы башта урындагы, аннары район Советына депутатлыкка кандидат итеп күрсәтә. Аны ике власть органына да сайлыйлар. 1990 елда Сафугановны авыл башкарма комитеты рәисе итеп куярга тәкъдим итәләр, депутат-коллегалары да якташларын хуплый. Бу фикер белән район Хакимияте дә килешә. Шулай итеп, Сафугановның риза булмый чарасы калмый. Авылдашларның ышанычын ничек акламыйсың инде?!
Ринат Солтан улы нәкъ шулай итә дә. Еллар дәвамында якташлары аны урындагы Совет депутаты, ә урындагы депутат корпусы – авыл биләмәсе башлыгы итеп сайлавы да шуны раслый. Аны урындагы башкарма власть “аксакалы” дисәк тә хата булмас. Бит Р.С.Сафуганов, чыннан да, авыл биләмәсе башлыклары арасында иң өлкәне. Яшь коллегалары аны хөрмәтләп үзләренең остазы дип йөртә. Ә ул исә түкми-чәчми үз тәҗрибәсе белән юмарт уртаклаша.
Әйтеп үтүебезчә, 19 мартта Ринат Солтан улының бу җиңел булмаган хезмәттә тир түгүенә утыз ел тула. Халык иминлеге, авыллар матур, төзек, яшәргә уңайлы булсын өчен кулыннан килгәннең барын да эшли. Ә бит башкарылган эшләр аз түгел. Менә шулар турында сөйләү өчен юбилей бик уңайлы вакыт. Юбилярыбызның горурланырлык нәрсәләре байтак!
Аның казанышларын гадәти тәртип буенча түгел, ә газ кертүдән башлыйбыз.
Авылларга газ үткәрү – районыбызның иң зур проекты! Урыннарда оештыру, хуҗалык мәсьәләләрен хәл итү эшләрен хуҗалык җитәкчеләре, парторглар (партия оешмалары чорында), авыл башкарма комитеты рәисләре үз өстенә алды. Алатана авыл Советы территориясендә - ул “Зенит” хуҗалыгы һәм авыл башкарма комитеты рәисенең уртак эше. 1992-1997 елларда зәңгәр ягулык – Алатана, Йөрәктау, Николаевка авылларына, ә 1997 елда Шиханга да килде.
Авылларга газ үткәрү – районыбызның иң зур проекты! Урыннарда оештыру, хуҗалык мәсьәләләрен хәл итү эшләрен хуҗалык җитәкчеләре, парторглар (партия оешмалары чорында), авыл башкарма комитеты рәисләре үз өстенә алды. Алатана авыл Советы территориясендә - ул “Зенит” хуҗалыгы һәм авыл башкарма комитеты рәисенең уртак эше. 1992-1997 елларда зәңгәр ягулык – Алатана, Йөрәктау, Николаевка авылларына, ә 1997 елда Шиханга да килде.
Сафугановның тәүге зур төзелеше, алда әйтеп үтелгән, Алатана авылы мәктәбен төзеп бетерү булды. Ул да “Зенит” колхозы белән берлектә эшләнелде.
Электән үк авыл башкарма комитеты рәисе (соңыннан – авыл биләмәсе башлыгы) колхоз белән берлектә (рәисе Р.Х.Низаметдинов, парторг И.Н Куликов) бюджет исәбенә Алатана авылында мәдәният йорты төзеткән иде (1990 ел). Илебез тарихының яңа чорында , “Зенит” хуҗалыгы белән берлектә – Йөрәктау авылында башлангыч мәктәп (1993 ел), 1997 елда авыл клубын яңарту эшләре тәмамланды. Ремонт авыл Советы акчаларына эшләнде. Бераз алга китеп шуны әйтергә кирәк, 2018 елда бу авылда модульле фельдшер-акушер пункты ачылды, ул Саулык саклау министрлыгы акчаларына, күпләгән район хезмәтләренең уртак тырышлыгы белән төзелде.
Электән үк авыл башкарма комитеты рәисе (соңыннан – авыл биләмәсе башлыгы) колхоз белән берлектә (рәисе Р.Х.Низаметдинов, парторг И.Н Куликов) бюджет исәбенә Алатана авылында мәдәният йорты төзеткән иде (1990 ел). Илебез тарихының яңа чорында , “Зенит” хуҗалыгы белән берлектә – Йөрәктау авылында башлангыч мәктәп (1993 ел), 1997 елда авыл клубын яңарту эшләре тәмамланды. Ремонт авыл Советы акчаларына эшләнде. Бераз алга китеп шуны әйтергә кирәк, 2018 елда бу авылда модульле фельдшер-акушер пункты ачылды, ул Саулык саклау министрлыгы акчаларына, күпләгән район хезмәтләренең уртак тырышлыгы белән төзелде.
Яшәү пунктларын төзекләндерү буенча яңа меңъеллык башында да күп эшләр башкарылды. Кызганычка каршы, аларның барысын да санап үтү мөмкинчелеге юк. Шулай да кайберләрен атап үтү кирәктер. 2009 елда Бельский авылында скважинадан котельныйга кадәр су торбалары алмаштырылды (бу – 1930 м); торак-коммуналь хуҗалыгы төзелде. 2015 елда Яшьләр урамында су торбалары алмаштырылды (700 м).
2017 елда күпфатирлы йортларны автономияле җылытуга күчерү буенча зур эшләр башкарылды.
2017 елда күпфатирлы йортларны автономияле җылытуга күчерү буенча зур эшләр башкарылды.
Һәм, әлбәттә, авыл биләмәсе башка күп кенә социаль программаларда актив катнаша. Мәсәлән, үткән елда йорт алды территорияләрен төзекләндерү программасында катнашып, өйләр арасындагы юлларга асфальт түшәлде, балалар уен мәйданчыгы җиһазландырылды, машиналар парковкасы, кер киптерү, шулай ук чүп контейнерлары кую мәйданчыклары булдырылды. Электр челтәрләренә капиталь ремонт ясау авыл биләмәсе башлыгының горурлыгы булып тора. Авыл урамнарын яктыртуга гына тукталыйк. Бельский авылында – 270, Алатанада – 47, Николаевкада – 14, Йөрәктауда – 27, Шиханда 46 фонарь урнаштырылды.
Р.С.Сафуганов саннарны яудыра гына, әйтерсең аның башында компьютер бар. Хәер, нәрсәгә гаҗәпләнергә: без бит муниципаль хезмәт ветераны белән генә түгел, ә талантлы математик белән әңгәмәләшәбез!
Авыл биләмәсе башлыгы Р.С.Сафугановны төнлә уятып, кайда, күпме бюджет акчасы тотылган дип сорасаң, тиененә кадәр әйтеп бирәчәк. Шулай булырга тиеш тә, бит чын хуҗаның һәр тиене исәптә!
Авыл биләмәсе башлыгы Р.С.Сафугановны төнлә уятып, кайда, күпме бюджет акчасы тотылган дип сорасаң, тиененә кадәр әйтеп бирәчәк. Шулай булырга тиеш тә, бит чын хуҗаның һәр тиене исәптә!
Р.ИЛЬКИНА.
Ю.НЕСТЕРЕНКО фотосы.
Ю.НЕСТЕРЕНКО фотосы.
Читайте нас:
@1930-2024 Общественно-политическая газета Стерлитамакского района Республики Башкортостан
Свидетельство о регистрации СМИ № ПИ ТУ02-01445 от 9 сентября 2015 года выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан Главный редактор: Коваленко Альбина Альбертона
Телефон
8(3473) 25-09-31
Электрон почта
Адресы
г.Стерлитамак, ул.Комсомольская, 82, 3 этаж
Реклама хезмәте
8(3473) 25-12-01
Редакция
8(3473) 25-09-31
Кабул итү бүлмәсе
8(3473) 25-12-01
Хезмәттәшлек
Кадрлар бүлеге
8(3473) 25-18-12